Psalms 62

1माझा जीव निशद्ब होऊन केवळ देवाची प्रतिक्षा करत आहे;
त्याच्यापासून माझे तारण येते.
2तोच केवळ माझा खडक आणि माझे तारण आहे;
तो माझा उंच बुरूज आहे; मी कधीही ढळणार नाही.

3झुकलेल्या भिंतीसारख्या, कोसळलेल्या कुंपणासारखा झालेल्या,

एका माणसाला मारण्यासाठी तुम्ही सर्वजण
किती काळपर्यंत त्याच्यावर हल्ला करून याल?
4त्याच्या उच्च पदापासून त्याला खाली आणण्यासाठी मात्र ते सल्ला घेतात;
त्यांना लबाड बोलण्यास आवडते;
ते आपल्या मुखाने आशीर्वाद देतात, पण त्यांच्या अंतःकरणातून शाप देतात.

5हे माझ्या जिवा, तू केवळ देवासाठी निशद्ब राहून प्रतिक्षा कर;

कारण माझी आशा त्याच्यावर लागली आहे.
6तोच केवळ माझा खडक आणि तारण आहे;
तो माझा उंच बुरूज आहे; मी ढळणार नाही.

7माझे तारण आणि माझे गौरव देवावर अवलंबून आहे;

माझ्या सामर्थ्याचा खडक आणि माझा आश्रय देवात आहे.
8अहो लोकहो, सर्वदा त्याच्यावर भरवसा ठेवा;
त्याच्यापुढे आपले अंतःकरण ओता;
देव आमच्यासाठी आश्रय आहे.

9खरोखर नीच माणसे निरर्थक आहेत, आणि उच्च माणसे लबाड आहेत;

वजन केले असता हलके भरतील; त्यांना मापले असता ते केवळ मिथ्या आहेत.
10दडपशाहीवर आणि चोरीवर भरवसा ठेवू नका;
आणि संपत्तित निरुपयोगी आशा ठेवू नका;

11देव एकदा बोलला आहे,

मी दोनदा ऐकले आहे,
सामर्थ्य देवाचे आहे.
हे प्रभू, तुझ्या ठायी प्रेमदया आहे.
कारण प्रत्येक माणसाला त्याने जसे केले आहे त्याप्रमाणे तू प्रतिफळ देतोस.
12